ەل باسى استانا قالاسىنىڭ «جاسىل بەلدەۋىن» دامىتۋ جۇمىستارى بارىسىمەن تانىستى
مەملەكەت باسشىسى استانا قالاسىنىڭ «جاسىل بەلدەۋىن» دامىتۋ جۇمىستارى بارىسىمەن تانىستى-دەپ حابارلايدى اقوردا باسپا سوز قىزمەتi. ەلباسى ەلوردا اينالاسىنداعى جاسىل ايماقتى اۋەدەن تىكۇشاقپەن شولىپ شىققاننان كەيىن ورماندى القاپ قالىپتاستىرۋ جانە دامىتۋ جۇمىستارى بارىسىمەن تانىستى. قازاقستان پرەزيدەنتى بۇقارالىق اقپارات قۇرالدارى وكىلدەرى ءۇشىن ءباسپاسوز بريفينگىن وتكىزدى. نۇرسۇلتان نازارباەۆ 1997 جىلدان بەرى جۇرگىزىلگەن جۇمىستاردىڭ ناتيجەسىندە ەلوردا اينالاسىنا ەگىلگەن جاسىل جەلەكتىڭ اۋدانى بۇگىندە 70 مىڭ گەكتارعا جەتكەنىن اتاپ ءوتتى. – ءبىر كەزدەرى ءبىزدىڭ جوسپارىمىزعا كۇمانمەن قاراعان ەدى. بىراق ءبىز وسى ورماندى بولاشاق ۇرپاق ءۇشىن ءوسىرىپ، ونى قازاقستاننىڭ كەرەمەتىنە اينالدىردىق. سونىڭ ارقاسىندا قالادا شاڭ-توزاڭ، جەل ازايدى. ورماندا ارنايى جيدەك اعاشتارى وتىرعىزىلىپ، اڭ-قۇس پايدا بولدى. ەگىلگەن اعاشتار ەلوردا تۇرعىندارى مەن قوناقتارىنىڭ دەمالىسىنا قاجەتتى جاعداي تۋعىزادى. مۇندا
