قازاقستاندا فيلمدەر كورسەتەتىن جاڭا تەلەارنا اشىلادى — داۋرەن اباەۆ
ناۋرىز مەيرامىنا قاراي قازاقستاندا «ەلارنا» اتتى جاڭا تەلەارنا اشىلادى. وندا وتاندىق فيلمدەر مەن سەريالدار كورسەتىلەتىن بولادى. بۇل تۋرالى بۇگىن ۇكىمەتتىڭ سەلەكتورلىق وتىرىسىندا اقپارات جانە كوممۋنيكاتسيالار ءمينيسترى داۋرەن اباەۆ حابارلادى. «ناۋرىز مەيرامى قارساڭىندا جاڭا «ەلارنا» كينو-تەلەارناسىن ىسكە قوسۋ جوسپارلانۋدا. بۇل ارنا وتاندىق كوركەم جانە دەرەكتى فيلمدەر مەن سەريالداردى ترانسلياتسيالايتىن بولادى» دەدى مينيستر. ايتا كەتەيىك، تەلەارنا «حابار» اگەنتتىگىنىڭ قۇرامىندا بولادى. egemen.kz
