ءا.قارا: «زۋقا باتىر» رومانىن تۇرىكشەگە اۋدارىپ، مەرەيتويعا شاشۋ رەتىندە ۇسىنباقشىمىن
بيىل قىتايعا قاراستى التاي ايماعىندا ءومىر سۇرگەن ايگىلى باتىر، ەل قورمالى، ۇلت-ازاتىق كۇرەس باسشىلارىنىڭ ءبىرى، قازاق تاريحىنداعى داڭسالى تۇلعا زۋقا قاجى ءسابيتۇلىنىڭ تۋعانىنا 150 جىل تولدى. ۇلت كۇرەسكەرى دەۋگە ابدەن لايىق باتىر 1929 جىلى قىتاي بيلەۋشىلەرى تاراپىنان قاستاندىققا ۇشىراپ، باسى الىنعان ەدى. 1866 جىلى قازاقستاننىڭ قازىرگى زايسان اۋدانى، كەندىرلىك اۋىلىندا تۋعان باتىردىڭ بيىلعى 150 جىلدىق مەرەيتويى كەڭ كولەمدە اتاپ وتىلمەك. وسىعان بايلانىستى، تۇركيادا تۇراتىن قانداستارىمىز دا اتاۋلى شاراعا ازىرلىك جۇمىستارىن باستاپ كەتتى. ءبىز، انادولى جەرىندەگى اعايىننىڭ قانداي ءىس-شارالار جوسپارلاپ جاتقانىن ءبىلۋ ماقساتىمەن، ىستامبۇلدا تۇراتىن بەلگىلى عالىم ابدۋاقاپ قارا اعامىزبەن عالامتور ارقىلى اڭگىمە وربىتتىك. – ابدۋاقاپ اعا، ستامبۇلدا زۋقا باتىردىڭ 150 جىلدىعىنا بايلانىستى اقىلداسۋ جيىنىن وتكىزىپسىزدەر، وعان كىمدەر قاتىستى جانە
