يران پارلامەنتى مەن حومەيني ماۆزولەيىنە شابۋىل
يران پوليتسياسى قارۋلى ادامدار شابۋىل جاساعان پارلامەنت عيماراتىن سىرتتاي باقىلاپ تۇر. 7 ماۋسىم 2017 جىل. تەگەراندا يران پارلامەنتى مەن اياتوللا حومەينيدىڭ كەسەنەسىنە جاسالعان شابۋىلدار سالدارىنان الدىن الا مالىمەت بويىنشا، جەتى ادام قازا تاۋىپ، بىرنەشە ادام جارالانعان. “يسلام مەملەكەتى” ەكسترەميستىك توبى شابۋىلعا جاۋاپكەرشىلىكتى موينىنا الدى. سارسەنبىدە تەگەراندا يران پارلامەنتى مەن قالا شەتىندەگى اياتوللا حومەيني كەسەنەسىنە شابۋىل جاسالدى. سالدارىنان ۇشتەن جەتى ادامعا دەيىن قازا تاپقانى تۋرالى ءارتۇرلى مالىمەت ايتىلادى. “يسلام مەملەكەتى” (يم) ەكسترەميستىك ۇيىمىنىڭ اقپاراتتىق رەسۋرسى سانالاتىن AMAQ سايتىندا ۇيىم تەگەرانداعى شابۋىلدار جاۋاپكەرشىلىگىن موينىنا الاتىنى جانە پارلامەنتتەگى شابۋىل جالعاسىپ جاتقانى حابارلاندى. تاعى ءبىر مالىمدەمەدە حومەينيدىڭ ماۆزولەيىنە شابۋىلدى ەكى جانكەشتى جاساعانى ايتىلادى. IRNA اگەنتتىگىنىڭ حابارلاۋىنشا، شابۋىلداردان قاۋىپسىزدىك كۇشتەرىنىڭ ەكى ساربازى وققا ۇشىپ، 30-دەن
