جاي ءبىر ەرتەگى
و باستا مەن كەرقۇلا اتتى كەندەباي باتىر ەدىم… كۇندەردىڭ كۇنى، جار دەگەندەگى جالعىز سەرىگىم، استىمداعى كەرقۇلا تۇلپار… سەناتقا دەپۋتات بولعىسى كەلەتىنىن ايتقاندا، توبەدەن ۇرعانداي بولدىم!. كورنەكى سۋرەت وباستا مەن كەرقۇلا اتتى كەندەباي باتىر ەدىم… حاننىڭ تاپسىرماسىمەن التىن قۇيرىقتى قۇلىندى ىزدەپ ءجۇرىپ، وسى ەلگە تاپ كەلدىم. الا-قۇلا تىلدە سويلەيتىن يەسىز جۇرت ەكەن… الاپات قارا قۇيىن ۇشىرىپ اكەتكەن قۇيرىق-جالى التىن قۇلىندى تاۋىپ، كوڭىلىم جايلانعان سوڭ، مۇندا نە ءۇشىن كەلگەنىمدى دە ۇمىتىپ، تاق كورمەگەن بەيقام ەلگە پاتشا بولىپپىن… ءبىر كىسى تاققا وتىرسا، مىڭ كىسى اتقا مىنەدى – قۇزىرىما قۇلدىق ۇرىپ، قىزمەتىن ۇسىنىپ، ەرتەگىنىڭ ەتى ءتىرى كەيىپكەرلەرىنىڭ ءبارى ماڭىما ءوزى-اق جينالدى. ەشكىمدى ارنايى شاقىرتقام جوق. حاننىڭ قىرىق ءۋازىرى بولماي ما… كولتاۋىسار، ءوزى سۇرانىپ، قازىنانى
