سابەڭنىڭ ء(سابيت مۇقانوۆتىڭ) قامشىسىنىڭ قاسيەتى جۇققان
سۋرەت: olympic.kz قاسىرەت-قايعى ادام جۇرەگىن اياۋسىز شەڭبەكتەپ، «جازمىشتان وزمىش جوقتىعى» تاعى ءبىر قىلاڭ بەرگەندە اباي جارىقتىق سەكىلدى اھ ۇرىپ، اقىلعا جۇگىنگەندە «جاقسى ءولىپسىڭ، ياپىرماي» دەپ وكسىكتى ىشكە جۇتۋدىڭ زىلماۋىرلىعىن سەزىنۋ دە قانشالىقتى ازاپ! سايان قىرىق توعىز مۇشەلىندە و دۇنيەگە اتتانىپ كەتە بارعاندا جانىندا بولماساق تا، تاپ بۇگىن سافۋان شايمەردەنوۆتەي قارت قالامگەردىڭ بۇگىلگەن بەينەسى ەلەستەپ، «كوزىڭە جاس سۇرايسىڭ». جەتپىستى ورتالاتقان شاعىندا «وتىز ۇلعا تاتيتىن جالعىز ۇلىن» سۇم قارا جەردىڭ قوينىنا تاپسىرعان قايران اكەنىڭ ونسىز دا شىعار-شىقپاس جانى كۇيزەلمەي قايتەدى؟! سول سافەكەڭ «سابەڭنىڭ ء(سابيت مۇقانوۆتىڭ) قامشىسىنىڭ قاسيەتى جۇققان» دەپ ۇلكەن ءۇمىت ارتقان بالا سايان قازاققا جات سپورت ءتۇرى – حوككەيدەن بابى دا، باعى دا شاۋىپ، 1973 جىلى كوگالداعى حوككەيدەن ەرەسەكتەر اراسىندا كسرو
