قازاق-قىرعىز شەكاراسىنداعى كەشەگى كەپتەلىسكە قازاق شەنەۋنىكتەرى ايىپتى
كەشە قازاق-قىرعىز شەكاراسىندا ورىن العان كەپتەلىس ءبىراز ويعا جەتەلەدى. ونى قىرعىز پرەزيدەنتى المازبەك اتامباەۆتىڭ الا-ارشا رەزيدەنتسياسىندا ماراپات تاپسىرۋ كەزىندە قازاقستانعا قاتىستى ايتقان وتكىر پىكىرلەرىمەن بايلانىستىرىپ جاتىرمىز. ۆيدەوسىن بىرنەشە رەت كوردىم. اتامباەۆتىڭ قازاقستان ەكونوميكاسىنا، ونىڭ ىشىندە ءجىو مەن زەينەتاقى مولشەرىنىڭ سايكەسسىزدىگى تۋرالى ايتقاندارى شىندىق. وعان ەرتوقىمدى باۋىرعا الىپ تۋلاۋدىڭ ەش رەتى جوق. قىرعىز باسشىسى قازاق حالقىن ەمەس، بيلىكتىڭ ەكونوميكالىق ساياساتىن سىناپ وتىر. دۇرىس ايتىلعان پىكىردى دۇرىس قابىلداعان ءلازىم. كەتكەن قيعاشتىقتار جوندەلۋى كەرەك. وسىدان كەيىن ۇكىمەت تاريفتەردى تومەندەتىپ، زەينەتاقىمدى ون ەسە ەمەس، ەڭ بولماسا ەكى-ءۇش ەسە كوتەرسە مەن مۇلدە قارسى بولمايمىن. ال ءبىزدىڭ شەكارالىق شەنەۋنىكتەردىڭ ارەكەتى – «تاز اشۋىن تىرنادان الادىنىڭ» كەرى. جاي حالىقتىڭ بۇعان نە قاتىسى بار؟ قاراپايىم جۇرتتى، بالالى، اياعى
