سيريا وپپوزيتسياسى داعدارىستى شەشۋدەگى ءوز جوسپارىن جاريالادى
سيريا وپپوزيتسياسى دەلەگاتسياسىنىڭ جەتەكشىسى موحامماد اللۋش كەلىسسوزدە وتىر. استانا، 23 قاڭتار 2017 جىل. رەسەي، يران جانە تۇركيانىڭ رەسمي وكىلدەرى استانادا اياقتالعان سيريا بەيبىت كەلىسسوزىنىڭ قورىتىندىسى بويىنشا سيرياداعى ءالسىز بىتىمگە باقىلاۋ جاساۋ مەحانيزمىن قۇرۋعا كەلىستى. بىراق ولار سيرياداعى التى جىلعا سوزىلعان سوعىستى ساياسي جولمەن توقتاتۋ باعىتىندا ىلگەرى قادام جاساي المادى. ەكى كۇندىك كەلىسسوزدىڭ قورىتىندىسى بويىنشا جاسالعان بىرلەسكەن مالىمدەمەدە يران، رەسەي جانە تۇركيا 30 جەلتوقساندا جاريالانعان “قاقتىعىستى توقتاتۋ رەجيمىنىڭ ساقتالۋى مەن كەز-كەلگەن ارانداتۋدىڭ الدىن الۋدى” بىرلەسە باقىلايتىنى جانە ءبىتىمنىڭ تەحنيكالىق ماسەلەلەرىن انىقتايتىنى ايتىلعان. بۇل قورىتىندى مالىمدەمەگە كەلىسسوزگە قاتىسقان سيريا وپپوزيتسياسىنىڭ كوڭىلى تولمادى. وپپوزيتسيا وكىلدەرى قاقتىعىستى توقتاتۋ رەجيمىن بۇزۋعا باقىلاۋ جاساۋدىڭ ءوز جوسپارىن ۇسىندى. سيريا وپپوزيتسياسى دەلەگاتسياسىنىڭ باسشىسى موحاممەد اللۋش وپپوزيتسيانىڭ كەلىسسوزدىڭ قورىتىندىسى
