«مۋزارت» توبىنا حالىقتىڭ ىقىلاسى ەرەكشە.
سوڭعى 15 جىلدا قازاقستان ەسترادا ساحناسىنا وزگەشە قۇبىلىس بولىپ كەلگەن «مۋزارت» توبىنا حالىقتىڭ ىقىلاسى ەرەكشە. كونە تۇركى تىلىنەن العاندا «ارت» ءسوزى – بيىك، شىڭ، تاۋ دەگەن ماعىنانى بىلدىرەدى ەكەن. اتىنا زاتى ساي توپتىڭ مۋزىكانىڭ شىڭىنا شىعىپ، بيىك بەلەستەردى باعىندىرعانىنا ەل كۋا. «مۋزارت» بۇگىنگى تاڭدا ەسترادالىق توپ دەڭگەيىنەن شىقتى. «مۋزارت» قازاق مادەنيەتىنىڭ، ونەرىنىڭ بەتكە ۇستارىنا اينالدى. قوعامدا بولىپ جاتقان ماسەلەلەرگە قاتىستى بىلدىرگەن سىندارلى كوزقاراستارىمەن، ءوز ازاماتتىق ۇستانىمىمەن حالىقتىڭ جۇرەگىنەن ورىن الىپ، ونەردەگى وزگە ازاماتتارعا ۇلگى بولارلىق بيىككە كوتەرىلدى. سوندىقتان ونەر مەن مادەنيەت سالاسىندا ەلدى ەلەڭدەتكەن ءبىر جاڭالىق بولسا، «مۋزارت» نە دەر ەكەن دەپ حالىقتىڭ ولاردى ىزدەۋى دە تۇسىنىكتى. كەيدە تۇلعانىڭ ەلى ءۇشىن جاساعان ءبىر جاقسىلىعى، ورىندى ايتقان ءسوزى حالىقتىڭ سان جىلدار
