ومۋربەك بابانوۆ اتامباەۆتىڭ بەرگەن ۋادەسى تۋرالى ايتتى
قىرعىزستان پرەزيدەنت سايلاۋىنا ءتۇسىپ جاتقان كانديدات ومۋربەك بابانوۆتىڭ (وڭ جاقتان ەكىنشى) داۋىس بەرىپ جاتقا ءساتى. بىشكەك، 15 قازان 2017 جىل. قىرعىزستان پرەزيدەنت سايلاۋىنا ءتۇسىپ جاتقان كانديدات ومۋربەك بابانوۆ سايلاۋ كەزىندە بولعان زاڭ بۇزۋ وقيعالارى جونىندە مالىمدەمە جاسادى. ول سايلاۋ ءادىل ءارى اشىق ءوتتى دەپ سانامايتىنىن ايتتى. بابانوۆ «كانديداتتىعىمدى ۇسىنباي تۇرىپ پرەزيدەنتپەن اقىلداسقان ەدىم. ول باتاسىن بەرىپ، ء“يا، پرەزيدەنت سايلاۋىنا ءتۇس. ءبىز ءوز كانديداتىمىزدى ۇسىنامىز، سەن دە قاتىس. جەڭگەن ادام پرەزيدەنت بولسىن” دەگەن. كۋالەر بار. ول سايلاۋ ءادىل وتەدى دەگەن ۋادە بەرگەن. بىراق تەڭ جاعداي جاسالمادى. كەيىنگى اپتادا المازبەك شارشەنوۆيچ اتامباەۆقا اقپاراتتى دۇرىس بەرمەگەن. قىرعىزستاننىڭ ۇلتتىق قاۋىپسىزدىك كوميتەتى مەن ميليتسيا ونى جالعان اقپاراتپەن اداستىرىپ وتىر. مەن ونىڭ بۇگىنگى سوزدەرىنە قاتتى قاپا بولدىم»
