قازاقستاندا «ورتالىق-2015» ستراتەگيالىق كوماندالىق-شتابتىق وقۋ-جاتتىعۋى باستالدى
بۇگىن، 14 قىركۇيەكتە «ورتالىق-2015» كوماندالىق-شتابتىق وقۋ-جاتتىعۋى باستالدى. وقۋ-جاتتىعۋ «ويماشا» («باتىس» وڭىرلىك قولباسشىلىعى) جانە «شىعىس» («شىعىس» وڭىرلىك قولباسشىلىعى) پوليگوندارىندا وتەدى. «باتىس» وڭق «ويماشا» پوليگونىندا وقۋ-جاتتىعۋدىڭ اشىلۋ راسىمىنە قر قك باس شتابى باستىعىنىڭ ورىنباسارى گەنەرال-مايور ءمۇسلىم التىنباەۆ، قر قك اتك باس قولباسشىسىنىڭ ورىنباسارى 1-دارەجەلى كاپيتان ساكەن بەكجانوۆ، سونداي-اق ۇلتتىق ۇلان جانە قر ۇقك شەكارا قىزمەتىنىڭ بولىمدەرى مەن بولىمشەلەرى قاتىستى. ءوز كەزەگىندە، «شىعىس» وڭىرلىك قولباسشىلىعىندا 10810, 30217, 44793 اسكەري بولىمدەرىنىڭ قۇرامالارى مەن بولىمدەرى جانە وڭق اسكەرلەرى قولباسشىسىنىڭ باسقارمالارى جاۋىنگەرلىك ازىرلىكتىڭ جوعارى دارەجەسىنە كەلتىرىلدى. بولىمشەلەر وقۋ-جاتتىعۋ وتكىزىلەتىن اۋدانعا شىعارىلدى، وندا باسقارۋ پۋنكتتەرىن ورىستەتتى، لاۋازىمدى ادامدارمەن جۇمىس ۇيىمداستىرىلدى. ازىرلەمە بويىنشا قازاقستان قارۋلى كۇشتەرىنىڭ بولىمدەرى مەن بولىمشەلەرى شارتتى قارسىلاستىڭ شابۋىلىن تويتارا وتىرىپ، قويىلعان وقۋ-جاۋىنگەرلىك تاپسىرمالاردى ورىندايدى.
