رەسەي مەن تۇركيا كوشباسشىلارى سيريا كەلىسسوزدەرىن استانادا وتكىزۋگە مۇددەلى
رەسەي مەن تۇركيا ەلدەرىنىڭ باسشىلارى نۇرسۇلتان نازارباەۆتى قازاقستان رەسپۋبليكاسى تاۋەلسىزدىگىنىڭ 25 جىلدىعىمەن قۇتتىقتاپ، حالقىمىزعا باق-بەرەكە تىلەپ، ودان ارى ءوسىپ-وركەندەي بەرۋىمىزگە نيەتتەستىك ءبىلدىردى-دەپ حابارلايدى اقوردا ءباسپاسوز قىزمەتى. ۆ.پۋتينمەن اڭگىمەلەسۋ بارىسىندا جوعارى ەۋرازيالىق ەكونوميكالىق كەڭەستىڭ الداعى وتىرىسىنا جانە ۇقشۇ ءسامميتىن وتكىزۋگە دايىندىق ماسەلەلەرى تالقىلاندى. تۇركيا پرەزيدەنتىمەن سويلەسۋ كەزىندە ر.ت.ەردوعان استاناعا بيىلعى 12 جەلتوقسانعا جوسپارلانعان ءىس-ساپارىنىڭ كەيىنگە قالدىرىلعانىنا وكىنىش ءبىلدىردى. تۇركيا كوشباسشىسى الداعى ۋاقىتتا ءبىزدىڭ ەلگە كەلۋگە دايىن ەكەنىن ايتتى. رەسەي مەن تۇركيا پرەزيدەنتتەرى ەلباسىمەن كۇن تارتىبىندەگى وزەكتى وڭىرلىك جانە حالىقارالىق ماسەلەلەردى تالقىلادى. رەسەي مەن تۇركيا كوشباسشىلارى سيرياداعى قاقتىعىسۋشى تاراپتار اراسىنداعى احۋالدى بەيبىت رەتتەۋگە ارنالعان كەلىسسوزدەردى استانادا وتكىزۋگە مۇددەلى ەكەندىكتەرىن ءبىلدىردى. نۇرسۇلتان نازارباەۆ بۇل باستامانى قولداپ، قازاقستان ەلورداسىندا مۇنداي كەلىسسوزدەر جۇرگىزۋ ءۇشىن قاجەتتى جاعداي جاساۋعا
