ساراپشىلار: رەسەي ىقپالى مەن ورىس ءتىلىنىڭ اياسى تارىلادى
مۇحتار ەكەي ۋكراين ءتىلى مەن ادەبيەتى كۇنى نارازىلىق اكتسياسىندا تۇرعان ادام. كيەۆ، 9 قاراشا 2016 جىل. امەريكالىق Stratfor بارلاۋ جانە ساراپتاما ورتالىعى ورىس ءتىلىنىڭ قولدانۋ اياسى تارىلىپ، دەموگرافيالىق، مادەني، ساياسي جانە تەحنولوگيالىق وزگەرىستەر قارقىندى ءجۇرىپ جاتقاندىقتان، كرەملدىڭ كورشىلەرگە ىقپال ەتۋ مۇمكىندىگى ازايا بەرەدى دەپ بولجايدى. Stratfor بارلاۋ جانە ساراپتاما ورتالىعىنىڭ ساراپشىلارى سسسر داۋىرىنەن كەيىن دۇنيەگە كەلگەن ادامدار سانى ارتىپ كەلە جاتقاندىقتان، ەۋرازيانىڭ پوستسوۆەتتىك ايماعىندا ءالى تالاي ساياسي جانە مادەني وزگەرىستەر بولادى دەيدى. سوۆەت وداعى ىدىراپ، ونىڭ قۇرامىندا بولعان ەلدەر تاۋەلسىزدىك العالى شيرەك عاسىر وتسە دە، بالتىق ەلدەرىنەن باسقالارى ءالى دە ورتالىققا قاتاڭ باعىنعان ساياسي جۇيە مەن جارتىلاي كاپيتاليستىك ەكونوميكالىق مودەل بويىنشا ءومىر ءسۇرىپ جاتىر. ال رەسەي 1990 جىلدارداعى حاوستان كەيىن ەس
