الماتىنى جەر بەتىنەن جويىپ جىبەرە جازداعان جويقىن 3 سەل (فوتو)
جاقىندا الماتىدا بولعان سەلدەن، ابىروي بولعاندا، قازا بولعاندار جوق. دەگەنمەن قالادا بۇعان دەيىن بولعان ءۇش سەل تالايدىڭ ءومىرىن قيعانى قۇپيا ەمەس. 1921 جىلدىڭ جازىندا كىشى الماتى وزەنى تاسىپ، سەل قالانىڭ ورتالىعىنا دەيىن جەتكەن بولاتىن. سەلمەن بىرگە قۇلاعان ءىرى تاستاردان الماتى قيراندىلارعا اينالىپ، باتپاققا باتىپ قالدى. بۇل اپاتتان 500-دەن استام ادام قازا بولدى. «1963, 1973 جانە 1977 جىلدارى سەل ءجۇردى. ولاردىڭ جويقىن كۇشى بۇرىنعى كسرو ايماعىندا بولعان بارلىق سەلدەردەن اسىپ ءتۇستى»، — دەپ جازادى ءوزىنىڭ «وچەركي يستوري الماتى» اتتى كىتابىندا ۆلاديمير پروسكۋرين. تاعى ءبىر جانتۇرشىگەرلىك سەل ەسىك قالاسىندا 1963 جىلى بولدى. كۇننىڭ اپتاپ ىستىعى سەلدىڭ جۇرۋىنە اكەلىپ سوقتىرعان. 5-6 ساعاتتىڭ ىشىندە بوگەت قيراپ، ەسىك كولى باتپاقتىڭ استىندا قالدى. ونىڭ جاعاجايىندا دەمالىپ
