تۇركى-مۇسىلمان ساياساتكەرلەرىنىڭ بىرەگەيى سالىمگەرەي ءجانتورين ەدى
پاتشالىق رەسەيدىڭ تۇركى تىلدەس مۇسىلمان حالىقتارى قۇرعان قوعامدىق-ساياسي جانە مادەني اعارتۋشىلىق قوزعالىستىڭ بەل ورتاسىندا جۇرگەن قايراتكەر سالىمگەرەي ءجانتورين وسىدان 85 جىل بۇرىن قازان قالاسىندا جۇمباق جاعدايدا قازا بولدى. مەملەكەتتىك دۋما دەپۋتاتى سالىمگەرەي سەيىتحانۇلى ءجانتورين. مۇسىلمان قاۋىمىنىڭ بەتكە ۇستار تالاي ازاماتى ءدارىس العان «عاليا» مەدرەسەسىن سالۋعا قاتىسقان مەتسەنات، ماسكەۋ مەن سانكت-پەتەربۋرگ ۋنيۆەرسيتەتىن تامامداعان، ۋفا گۋبەرنياسىنداعى جاۋاپتى قىزمەت يەسى، العاشقى دۋمانىڭ دەپۋتاتى بولىپ سايلانعان مۇسىلمان قاۋىمىنىڭ قۇقىعىن قورعاۋشى ءھام پاتشالىق رەجيمنىڭ تۇركىستاندىق زيالى قاۋىمدى قاققا جارۋ ارەكەتىن اشكەرەلەۋشى ساياساتكەر. بۇل – ءوز زامانىندا ءىرى قۇبىلىسقا اينالسا دا، سوۆەت كەزەڭىندە ۇمىت قالعان «تۇركى-مۇسىلمان قايراتكەرلىگىنىڭ» ءبىر بەلگىسى سالىمگەرەي ءجانتوريننىڭ قىسقاشا سيپاتتاماسى.حان تۇقىمىنا جاتاتىن ايگىلى جانتوريندەر اۋلەتىنەن تاراعان سالىمگەرەي سەيىتحانۇلى ءجانتورين 1864 جىلى
