قازاندا نۇرسۇلتان نازارباەۆ اتىنا كوشە بەرىلمەك
تاتارستان رەسپۋبليكاسىنداعى «قازاقستان» قازاق ۇلتتىق-مادەني اۆتونومياسى قازان قالاسىنىڭ ءبىر كوشەسىنە قازاقستان پرەزيدەنتى نۇرسۇلتان نازارباەۆتىڭ ەسىمىن بەرۋ تۋرالى باستاما كوتەردى. «اتالعان اۆتونوميا توراعاسى ساعيت جاقسىباەۆ قازان قالاسىنىڭ مەرى يلسۋر مەتشيننىڭ اتىنا وسىنداي ۇسىنىسپەن حات جولدادى»، – دەپ جازادى «تاتار-ينفورم» اا. «نۇرسۇلتان ءابىشۇلى ەكى باۋىرلاس حالىقتىڭ اراسىنداعى دوستىق قارىم-قاتىناستى ودان ارى جالعاپ، نىعايتا ءتۇستى. ەكونوميكا، ءبىلىم، مادەنيەت سالاسىندا ىقپالداستىقتى رەسپۋبليكالىق دەڭگەيدە دە، وڭىرارالىق دەڭگەيدە دە قالىپتاستىردى. ءبىز بۇل بايلانىستاردىڭ تاريحي ماڭىزىنا تەرەڭ ءمان بەرەمىز»، – دەدى سۇحباتىندا ساعيت جاقسىباەۆ. ول قازان فەدەرالدى ۋنيۆەرسيتەتىنىڭ عيماراتىندا بوكەي ورداسىنىڭ سوڭعى حانى، قازان يمپەراتورلىق ۋنيۆەرسيتەتىنىڭ قۇرمەتتى مۇشەسى – جاڭگىر حانعا ارنالعان مەموريالدى تاقتا ورناتىلعانىن ايتىپ ءوتتى. «ءبىز قازان قالاسىنىڭ كوشەسىنە نازارباەۆ ەسىمىن بەرۋ باۋىرلاس ەكى حالىقتىڭ
