شىڭجاڭدا شابۋىلدان 18 ادام قازا تاپقانى حابارلاندى
شىڭجاڭ ۇيعىر اۆتونوميالىق اۋدانى ورتالىعى ءۇرىمجى قالاسىندا جۇرگەن قىتايلىق پوليتسەيلەر. (كورنەكى سۋرەت). اقش-تا ورنالاسقان ازات ازيا راديوسى 24 ماۋسىمدا قىتايدىڭ باتىسىنداعى شىڭجاڭ ۇيعىر اۆتونوميالاىق اۋدانىندا ءبىر توپ ەتنيكالىق ۇيعىردىڭ پوليتسيانىڭ باقىلاۋ-وتكىزۋ بەكەتىنە “شابۋىلداپ”، كەمىندە 18 ادام قازا تاپقانىن حابارلادى. شابۋىل 22 ماۋسىمدا سوڭعى جىلدارى ازشىلىقتى قۇرايتىن مۇسىلمان ۇيعىرلار مەن كوپشىلىك حان قىتايلارى اراسى شيەلەنىسكەن وڭتۇستىكتەگى قاشعار قالاسىندا بولعان. جەرگىلىكتى پوليتسياداعى دەرەككوزىنىڭ مالىمەتىنشە، پىشاقپەن جانە جارىلعىش بومبالارمەن قارۋلانعان كۇدىكتىلەر قاشعار قالاسىندا بىرنەشە پوليتسيا قىزمەتكەرىن مەرت ەتكەن. بۇدان سوڭ پوليتسيا15 كۇدىكتىنى “تەرروريست” دەگەن كۇدىكپەن كوزىن جويعان. قىتاي سىرتقى ىستەر مينيسترلىگىنىڭ وكىلى ليۋ كان اقپاراتتى ءازىر راستاي المايتىنىن ايتتى. ازاتتىق راديوسى
