توعىزقۇمالاققا ارنالعان ەجەلگى تاستار تابىلدى
سەمەي ولكەتانۋشىلارى شىعىس قازاقستان وبلىسىنداعى قىراتتاردىڭ بىرىنەن توعىزقۇمالاق ويىنىنا ارنالعان ون شاقتى جالپاق تاس تاپقان. “پريرتىشە” ولكەتانۋ قوعامىنىڭ مۇشەلەرى مەدەۋ اۋىلىنىڭ ماڭىنداعى قوزىباعار قىستاۋىنان دومالاق شۇڭعىمالارى بار تاستاردى تاۋىپ العانىن حابارلادى. ولكەتانۋشىلاردىڭ پىكىرىنشە، بۇل تاستار توعىقۇمالاق ويىنىنا ارنالعان. ون تاقتا تاستىڭ بەسەۋى عانا ويىنعا جارامدى كۇيىندە ەكەن. قالعان تاستاردىڭ شۇڭعىمالارى جوققا اينالعان. «ولار جاڭبىر سۋى مەن جەلدەن بۇزىلۋى مۇمكىن، سازدان جاسالعان تاس جۇمساق بولعاندىقتان سولاي بولعان. نەمەسە سول ۋاقىتتاردا ويىن شارتتارى قازىرگىدەي بولماعان» دەيدى قوعام توراعاسى پاۆەل جۋكوۆ. «تاقتا تاستاردىڭ قاي ۋاقىتتىڭ جادىگەرلەرى ەكەنىن ايتۋ وتە قيىن. ولار 50, 300 نەمەسە ءتىپتى 2000 جىل بۇرىن جاسالۋى مۇمكىن، ونى ەشكىم دە بىلمەيدى. بۇل ايماقتا قوزىباعار ەسىمدى بىرەۋ ءومىر سۇرگەن دەگەن اڭىز
