نازارباەۆ ەر-ريادتاعى سامميتتە ترامپپەن جانە تيللەرسونمەن كەزدەستى
قازاقستان پرەزيدەنتى نۇرسۇلتان نازارباەۆ ەر-ريادتاعى سامميتتە. ساۋد ارابياسى، 21 مامىر 2017 جىل. قازاقستان پرەزيدەنتى نۇرسۇلتان نازارباەۆ 21 مامىردا ەر-ريادتا يسلام ەلدەرى مەن اقش باسشىلارىنىڭ ءسامميتى اياسىندا اقش پرەزيدەنتى دونالد ترامپپەن كەزدەستى. اقوردانىڭ ءباسپاسوز قىزمەتىنىڭ حابارلاۋىنشا، نازارباەۆ پەن ترامپ “ەكى جاقتى ءوزارا ءىس-قيمىلدىڭ نەگىزگى باعىتتارىن، ونىڭ ىشىندە ساۋدا-ەكونوميكالىق، ساياسي جانە مادەني-گۋمانيتارلىق سالالارداعى بايلانىستاردى تەرەڭدەتۋدىڭ كەلەشەگىن” تالقىلاپ، “حالىقارالىق بىرقاتار ماڭىزدى ماسەلەلەر بويىنشا پىكىر الماستى”. سامميت اياسىندا نازارباەۆ سونىمەن قاتار اقش مەملەكەتتىك حاتشىسى رەكس تيللەرسونمەن دە كەزدەسىپ، “ەكى جاقتى ىنتىماقتاستىقتىڭ كەيبىر اسپەكتىلەرىنىڭ جاي-كۇيى مەن ونى دامىتۋدىڭ كەلەشەگىن” تالقىلادى. پرەزيدەنت ءباسپاسوز قىزمەتىنىڭ اقپاراتىنا قاراعاندا، نازارباەۆ ەر-ريادتاعى سامميتتە كۋۆەيت، كاتار امىرلەرىمەن، باحرەين كورولىمەن، ابۋ-ءدابيدىڭ مۇراگەر حانزاداسىمەن، يەمەن، ماۆريتانيا پرەزيدەنتتەرىمەن، پاكىستان پرەزيدەنتتەرىمەن كەزدەستى. يسلام ەلدەرى مەن
