«تاۋەلسىزدىكتىڭ 25 جىلدىعى» مونۋمەنتى
ەلباسى «تاۋەلسىزدىكتىڭ 25 جىلدىعى» مونۋمەنتىنىڭ اشىلۋ راسىمىنە قاتىستى-دەپ حابارلايدى اقوردا ءباسپاسوز قىزممەتى. قازاقستان پرەزيدەنتى سالتاناتتى ءىس-شارا بارىسىندا «تاۋەلسىزدىكتىڭ 25 جىلدىعى» مونۋمەنتىنىڭ بۇكىل حالىق بولىپ تاۋەلسىزدىك مەرەيتويىن مەرەكەلەپ جاتقان العاشقى كۇنى اشىلىپ وتىرعانىن اتاپ ءوتتى. – بيىككە ۇمسىنعان بۇل اۋقىمدى ەسكەرتكىش ەلىمىزدىڭ شيرەك عاسىرداعى بۇرىن-سوڭدى بولماعان شارىقتاۋ كەزەڭىن جانە الەمنىڭ ەڭ وزىق وتىز ەلىنىڭ قاتارىنا قوسىلۋعا ۇمتىلىسىن ايشىقتايدى. ونىڭ 25 قىرى – تاۋەلسىز قازاقستاننىڭ زاماناۋي تاريحىنىڭ ءاربىر جىلىنىڭ سيمۆولدىق بەينەسى، – دەدى نۇرسۇلتان نازارباەۆ. مەملەكەت باسشىسى مونۋمەنتتىڭ رەسپۋبليكامىزداعى باستى ساۋلەت رامىزدەرىنىڭ قاتارىنان ايرىقشا ورىن الاتىنىنا سەنىم ءبىلدىردى. – بۇل مونۋمەنت قازاقستان رەسپۋبليكاسىنىڭ بەس جىلدىعى قارساڭىندا الماتى قالاسىندا اشىلعان العاشقى تاۋەلسىزدىك مونۋمەنتىنىڭ، ەلوردامىزدىڭ سيمۆولى بولعان بايتەرەكتىڭ، تاۋەلسىزدىكتىڭ 20 جىلدىعىندا بوي كوتەرگەن «قازاق
