بۇۇ ۋكرايناعا قاتىستى شۇعىل جيىن وتكىزەدى
ۋكراين اسكەريلەرى مارينكا ەلدى مەكەنىندە سەپاراتيستەرمەن ۇرىس كەزىندە. دونەتسك وبلىسى، 4 ماۋسىم 2015 جىل. بۇۇ قاۋىپسىزدىك كەڭەسى بۇگىن ۋكرايناداعى جاعدايعا بايلانىستى شۇعىل جيىن وتكىزەدى. ليتۆا دونباسستاعى، اسىرەسە سوڭعى كۇندەرى دونەتسك تۇبىندەگى مارينكا ەلدى مەكەنىندە جاعداي شيەلەنىسكەن سوڭ توتەنشە جيىن وتكىزۋگە شاقىرعان. ماۋسىمنىڭ 3-ءى كۇنى رەسەيشىل سەپاراتيستەر مارينكاداعى ۋكراين اسكەريلەرىنىڭ بەكىنىسىنە تانكتەر مەن ارتيللەريانى قولدانىپ، شابۋىلداعان. ەكى جاق اراسىندا بولعان ۇرىستان بەس ۋكراين ساربازى قازا تاۋىپ، 39-ى جارالانعان. اقپان ايىندا مينسكىدە دونباسستاعى قاقتىعىستى توقتاتۋ تۋرالى كەلىسىم جاسالعالى بەرى مۇنداي اۋقىمدى ۇرىس پەن ادام شىعىنى بولماعان. ول كەلىسىم بويىنشا، ەكى جاق قاقتىعىس ايماعىنان اۋىر قارۋ-جاراقتارىن اكەتۋگە ءتيىس بولعان. ماۋسىمنىڭ 4-ىندە پارلامەنتتە سويلەگەن ۋكراينا پرەزيدەنتى پەتر پوروشەنكو دونباسستا “اۋقىمدى سوعىس قيمىلدارى قايتا باستالۋ قاۋپى
