دونباستا ۋكراين اسكەرى مەن سەپاراتيستەر قاقتىعىستى
ستارويگناتەۆكا قالاسىنداعى ۋكراين اسكەريلەرى. 10 تامىز 2015 جىل. ۋكراينا شىعىسىندا ۋكراين اسكەرى مەن رەسەيشىل سەپاراتيستەر اراسىندا بولعان سوڭعى قاقتىعىستاردان ءبىر ۋكراين ساربازى قازا تاۋىپ، توعىزى جارالاندى. ۋكراينا قارۋلى كۇشتەرى ورتالىق شتابىنىڭ وكىلى ۆلاديسلاۆ سەلەزنەۆتىڭ حابارلاۋىنشا، ۋكراين اسكەرى دونەتسك وبلىسىندا سەپاراتيستەردىڭ ستارويگناتەۆكا قالاسىنا شابۋىلىن تويتارىپ، قالانى باقىلاۋدا ۇستاپ قالعان. ستارويگناتەۆكا قالاسى سەپاراتيستەر باقىلاۋىنداعى دونەتسك قالاسى مەن ۋكراين اسكەرى باقىلايتىن ماريۋپول قالاسىنىڭ ارالىعىندا ورنالاسقان. ۋكراينا پرەزيدەنتىنىڭ ءباسپاسوز حاتشىسى اندرەي لىسەنكو 10 تامىزدا جۋرناليستەرگە وتكەن ءتۇنى 400-گە جۋىق سەپاراتيست 10 تانكى مەن 10 بتر-دىڭ جانە باسقا دا اسكەري تەحنيكالاردىڭ كومەگىمەن ۋكراينا اسكەرىنىڭ پوزيتسيالارىنا شابۋىلداعانىن ايتقان. لىسەنكونىڭ سوزىنشە، “قارسى تاراپ ادام سانى جاعىنان دا، تەحنيكا جاعىنان دا ەلەۋلى شىعىنعا ۇشىراعان”. ال ءوزىن-ءوزى جاريالاعان “دونەتسك
