ەلباسى ءبىلىم جانە عىلىم ءمينيسترى ەرلان ساعاديەۆتى قابىلدادى
ەلباسى ءبىلىم جانە عىلىم ءمينيسترى ەرلان ساعاديەۆتى قابىلدادى-دەپ حابارلايدى اقوردا باسپاسوز قىزمەتى. كەزدەسۋ بارىسىندا مەملەكەت باسشىسىنا ءبىلىم جانە عىلىم مينيسترلىگىنىڭ 2016 جىلعى جۇمىسىنىڭ قورىتىندىلارى جونىندە ەسەپ بەرىلدى. نۇرسۇلتان نازارباەۆ ءبىلىم جانە عىلىم جۇيەسىنىڭ الداعى رەفورمالاردى، قازاقستان پرەزيدەنتىنىڭ «قازاقستاننىڭ ءۇشىنشى جاڭعىرۋى: جاھاندىق باسەكەگە قابىلەتتىلىك» اتتى جولداۋىن ىسكە اسىرۋداعى ماڭىزدى ءرولىن اتاپ ءوتتى. – ءبىز ەل ىشىندە دە، شەتەلدىك وقۋ ورىندارى قابىرعاسىندا دا كادرلار دايارلاۋ ءىسى بويىنشا اۋقىمدى جۇمىستار جۇرگىزدىك. ءۇش تىلدە ءبىلىم بەرۋگە، تسيفرلىق وقىتۋ ادىسىنە كوشىپ جاتىرمىز. ءبىلىم جانە عىلىم مينيسترلىگى الدىندا بۇل سالانى ودان ءارى دامىتۋعا بايلانىستى زور مىندەتتەر تۇر. قاجەتتى ادام رەسۋرستارىنسىز جولداۋدا العا قويىلعان مىندەتتەردى ورىنداۋ، سونىڭ ىشىندە تەحنولوگيالىق جاڭعىرۋدى جۇزەگە اسىرۋ، «تسيفرلىق قازاقستان» مەملەكەتتىك باعدارلاماسىن ىسكە
