قر قورعانىس ءمينيسترى العاشقى قازاقستاندىق وق جاساۋ زاۋىتىنىڭ ىرگەتاسىن قالادى
بۇگىن، 14 ناۋرىزدا قاراعاندى قالاسىنداعى «سارىارقا» ارنايى ەكونوميكالىق ايماقتىڭ اۋماعىندا قر قورعانىس ءمينيسترى يمانعالي تاسماعامبەتوۆ العاشقى قازاقستاندىق پاترون زاۋىتى قۇرىلىسىنىڭ باستالۋىنا ارنالعان راسىمگە قاتىستى. بۇل جوبا قر قك جوعارعى باس قولباسشىسىنىڭ تاپسىرماسى بويىنشا ازىرلەندى. ۇلتتىق قاۋىپسىزدىكتىڭ قاجەتتى دەڭگەيىن قامتاماسىز ەتۋ، قازاقستاندىق ءونىمدى ارتتىرۋ، سونداي-اق اتىس قارۋىنا ارنالعان قولدا بار پاترونداردىڭ قورىنىڭ ازايتىلۋىن نازارعا الا وتىرىپ، قر قارۋلى كۇشتەرىندە اناعۇرلىم سۇرانىسقا يە 5,45*39 مم، 7,62*54 مم، 9*18 مم، 9*19 مم كاليبرلى پاترونداردى ءوندىرۋ بويىنشا زاۋىت قۇرۋ جوسپارلانۋدا. وسى جوبا شەڭبەرىندە «سارىارقا» ارنايى ەكونوميكالىق ايماعىنىڭ اۋماعىندا عيمارات كەشەنى مەن پاتروندىق زاۋىتتىڭ قۇرىلىسىن سالۋ جوسپارلانۋدا. ارنايى ەكونوميكالىق ايماقتىڭ اۋماعىندا بارلىق ينجەنەرلىك كوممۋنيكاتسيالار، اۆتو جانە تەمىرجول كولىگى بار. بۇل ورتالىقتاندىرىلعان تۇردە الاڭنان تىس ينجەنەرلىك
