27 شىلدەدە قازاقستاننىڭ دسۇ سالتاناتتى قابىلدانۋ ءراسىمى وتەدى
قازاقستان پرەزيدەنتى نۇرسۇلتان نازارباەۆ بۇگىن، 27 شىلدەدە جەنەۆادا قازاقستاننىڭ دۇنيەجۇزىلىك ساۋدا ۇيىمىنا (دسۇ) رەسمي تۇردە مۇشە بولۋ سالتاناتى وتەدى. بۇل تۋرالى cەنات توراعاسى قاسىم-جومارت توقاەۆ Twitter اككانۋتىندا حابارلادى. سالتاناتتى جيىنعا قازاقستان پرەزيدەنتى نۇرسۇلتان نازارباەۆ پەن دسۇ باس ديرەكتورى روبەرتو ازەۆەدو قاتىسادى. 22 ماۋسىمدا نازارباەۆ قازاقستاننىڭ دۇنيەجۇزىلىك ساۋدا ۇيىمىنا (دسۇ) كىرۋىنە قاتىستى كەلىسسوزدەردى تابىستى اياقتالعانىن مالىمدەگەن. قازاقستان دسۇ-عا كىرۋ جونىندەگى كەلىسسوزدى 1996 جىلدىڭ قاڭتارىندا باستاعان. سودان بەرى ينتەگراتسيانىڭ تيىمدىلىگىنە قاتىستى ءار جىلدارى قيلى پىكىرلەر ايتىلىپ، كەلىسسوز پروتسەسى بىردە باياۋ، بىردە قارقىندى ءجۇردى. azattyq.org
