«قازاقستان – اتا جۇرتىم، قاسيەتىم – انا ءتىلىم» اتتى XII حالىقارالىق وليمپيادا مارەسىنە جەتتى
شەتەلدە تۇراتىن قازاق دياسپوراسىنىڭ ەرەكشە دارىندى بالالارىن انىقتاۋ جانە ولارعا قولداۋ كورسەتۋ ماقساتىندا قازاقستان رەسپۋبليكاسىنىڭ ءبىلىم جانە عىلىم مينيسترلىگى، «دارىن» رەسپۋبليكالىق عىلىمي-پراكتيكالىق ورتالىعى مەن قىزىلوردا وبلىستىق ءبىلىم باسقارماسىنىڭ ۇيىمداستىرۋىمەن اعىمداعى جىلدىڭ 22-26 ماۋسىمى ارالىعىندا قىزىلوردا قالاسى، №4 وبلىستىق دارىندى بالالارعا ارنالعان مەكتەپ-ينتەرناتىنىڭ بازاسىندا قازاق ءتىلى مەن ادەبيەتى ءپانى بويىنشا «قازاقستان – اتا جۇرتىم، قاسيەتىم – انا ءتىلىم» اتتى XII حالىقارالىق وليمپيادا وتكىزىلدى. قىزىلوردا وبلىستىق ءبىلىم باسقارماسى ءباسپاسوز قىزمەتىنىڭ حابارلاۋىنشا، قازاق دياسپوراسى بالالارىنىڭ انا ءتىلى، قازاق ادەبيەتى، قازاقستان تاريحى، مادەنيەتى مەن ونەرى بويىنشا تانىمدىق قابىلەتىن دامىتۋ، الەمنىڭ ءار ەلدەرىندە تۇراتىن قازاق جاستارىنىڭ دوستىق بايلانىستارىنا ىقپال ەتۋ، قازاق دياسپوراسى وكىلدەرى اراسىندا قازاق ءتىلىن مەڭگەرۋ، مادەنيەتىنىڭ دەڭگەيىن كوتەرۋ جانە ەلىمىزدىڭ تاريحىنا، قازاقستاننىڭ قازىرگى
