ەلباسى فرانتسيانىڭ بۇرىنعى پرەمەر-ءمينيسترى فرانسۋا فيونمەن كەزدەستى
ەلباسى فرانتسۋز رەسپۋبليكاسىنىڭ بۇرىنعى پرەمەر-ءمينيسترى، ۇلتتىق جينالىس دەپۋتاتى فرانسۋا فيونمەن كەزدەستى-دەپ حابارلايدى اقوردا. اڭگىمە بارىسىندا نۇرسۇلتان نازارباەۆ ف.فيوننىڭ قازاقستان مەن فرانتسيا اراسىنداعى ستراتەگيالىق سەرىكتەستىك تۋرالى شارتقا قول قويۋعا ۇلەسىن اتاپ ءوتتى. سونىڭ ارقاسىندا بۇگىندە ەكى ەل قارىم-قاتىناسى قارقىندى دامىپ كەلەدى. سونداي-اق تاراپتار قازاقستان-فرانتسيا ىنتىماقتاستىعىن باسىمدىعى بار سالالاردا نىعايتا ءتۇسۋ ماسەلەلەرىن قوزعادى. سونىمەن قاتار قازاقستانداعى فرانتسۋز كومپانيالارى قىزمەتىنىڭ نەگىزگى باعىتتارى، ەلىمىزگە ينۆەستيتسيا تارتۋ جونىندەگى شارالار قاراستىرىلدى.
