قازاقستان – تۇركيا. سەنساتسيا بولا ما؟
جۇما كۇنى الماتىدا قازاقستان قۇراماسى 2016 جىلعى فۋتبولدان ەۋروپا چەمپيوناتىنىڭ كەزەكتى ىرىكتەۋ ماتچىن تۇركيامەن وينايدى. جەرگىلىكتى ساراپشىلار ازاتتىققا بولجامدارىن ايتتى. 2012 جىلعى فۋتبولدان ەۋروپا چەمپيوناتىنا ىرىكتەۋ كەزەڭىندەگى قازاقستان-تۇركيا ماتچى. فوتو قازاقستان فۋتبول فەدەراتسياسى سايتىنان الىندى. (كورنەكى سۋرەت) كەلەسى جىلى فرانتسيادا وتەتىن ەۋروپا چەمپيوناتىنىڭ ىرىكتەۋ تۋرنيرىندە چەحيا، يسلانديا، نيدەرلاند، تۇركيا جانە لاتۆيامەن بىرگە «A» توبىنا تۇسكەن قازاقستان قۇراماسى بەس ويىننان ءبىر-اق ۇپاي جيناپ سوڭعى ورىندا تۇر. كەيىنگى ون شاقتى جىل ىشىندە گوللانديالىق جانە گەرمانيالىق باپكەرلەر جاتتىقتىرعان قۇراماعا بىلتىر رەسەيلىك مامان يۋري كراسنوجان باس باپكەر بولىپ تاعايىندالعان. سپورت كوممەنتاتورى ەسەي جەڭىسۇلى. سۋرەت جەكە مۇراعاتتان الىندى. سوڭعى 12 ىرىكتەۋ ويىنى مەن جولداستىق كەزدەسۋىندە ۇلتتىق قۇراما ەكى رەت جەڭىپ (تەك جولداستىق كەزدەسۋلەر), بەس رەت
