ورالدا “قازاق باتىرى” ەسكەرتكىشى اشىلدى
ءمۇسىنشى بولات بايماعانبەتوۆ (وڭ جاقتا) كومەكشىسى ازامات الاكوزوۆپەن بىرگە “قازاق باتىرى” ەسكەرتكىشىنىڭ جانىندا. ورال، 20 مامىر 2015 جىل. ورالدا بۇگىن قالا ورتالىعىندا ەسكى سىنعان اعاشتان جاسالعان قازاق باتىرىنىڭ ءمۇسىنى اشىلدى. 35 جاستاعى ءمۇسىنشى بولات بايماعانبەتوۆ اعاش ەسكەرتكىشتى قازاق حاندىعىنىڭ 550 جىلدىعىنا ارناعان. اعاش ءمۇسىننىڭ تانىستىرىلىمىندا ءمۇسىنشى بولات بايماعانبەتوۆ قالا ورتالىعىنداعى “يۋبيلەينايا” ايالداماسى ماڭىنداعى اعاش توماردىڭ قاسىنان ءوتىپ بارا جاتىپ وزىنە الگى توماردان قازاق باتىرىنىڭ كەسكىنىن ويىپ جاساۋ تۋرالى وي كەلگەنىن ايتادى. ويىن جۇزەگە اسىرۋعا ءبىر ايداي ۋاقىت كەلگەن. ەسكرەتكىشتى “قازاق باتىرى” دەپ اتاعان. ەسكرەتكىشتىڭ اشىلۋىندا قالا تۇرعىندارى شەبەر مەن ونىڭ كومەكشىسى ازامات الاكوزوۆكە شىنايى جۇمىستارى ءۇشىن العىس ءبىلدىردى. ازاتتىق راديوسى
