نيۋ-يوركتە «قازاق حاندىعىنا 550 جىل» ءفيلمى كورسەتىلدى
نيۋ-يوركتە روبەرت دە نيرونىڭ «Tribeca Film» اتالاتىن بەدەلدى كينوستۋديالارىنىڭ بىرىندە قر مادەنيەت جانە سپورت مينيسترلىگى قر باس كونسۋلدىعىنىڭ جاردەمدەسۋىمەن رەجيسسەر باقىت قايىربەكوۆتىڭ «قازاق حاندىعىنا 550 جىل» 10 سەريالى دەرەكتى ءفيلمىنىڭ العاشقى ءبولىمىن كورسەتتى. بۇل تۋرالى قر ءسىم ءباسپاسوز قىزمەتىنەن حابارلادى. فيلم قر پرەزيدەنتى نۇرسۇلتان نازارباەۆتىڭ «عاسىرلار توعىسىندا» اتتى كىتابى نەگىزىندە جاسالعان. كارتينانى كورسەتۋ قازاق حاندىعى قۇرىلۋىنىڭ 550-جىلدىعىن مەرەكەلەۋگە بايلانىستىرىلدى. ءفيلمنىڭ العاشقى ءبولىمى قىپشاق جانە ارميان مادەنيەتتەرىنىڭ ءوزارا تىعىز قارىم-قاتىناسىنىڭ تاريحىنا ارنالعان، ونىڭ ناتيجەسى ورتاق ءتىلدىڭ تارالۋى بولدى. ءفيلمنىڭ ءاربىر سەرياسى 1465 جىلى قازاق حاندىعى تۋىنداۋىنان باستاپ تاۋەلسىز قازاقستانعا دەيىنگى قازاق حالقى تاريحىنىڭ جەكەلەگەن كەزەڭدەرى تۋرالى باياندايدى. فيلم قازاقستاننىڭ الەمدەگى تاريحي جانە گەوساياسي ءرولىن جارقىن سيپاتتا جانە جان-جاقتى اشىپ كورسەتەدى. كارتينادا
