قازاقستاندا 2 مينيستر قىزمەتتەن بوساپ، جاڭاسى تاعايىندالدى

kerey.kz

 |  Dec 28, 2016  |  3,726 views

قازاقستان پرەزيدەنتىنىڭ رەزيدەنتسياسى – اقوردا. بۇگىن قازاقستان پرەزيدەنتى جارلىعىمەن سىرتقى ىستەر ءمينيسترى ەرلان ىدىرىسوۆ پەن ۇلتتىق ەكونوميكا ءمينيسترى قۋاندىق بيشىمباەۆ قىزمەتىنەن بوسادى. بۇل تۋرالى حابارلاعان اقوردا سايتىنداعى مالىمەتكە قاراعاندا، ەرلان ىدىرىسوۆ “باسقا قىزمەتكە اۋىسۋىنا” بايلانىستى بوساسا، قۋاندىق بيشىمباەۆتىڭ مينيستر قىزمەتىنەن بوساۋ سەبەبى ايتىلماعان. سىرتقى ىستەر ءمينيسترى بولىپ بۇعان دەيىن قازاقستاننىڭ بۇۇ-داعى تۇراقتى وكىلى قىزمەتىن اتقارىپ كەلگەن قايرات ءابدىراحمانوۆ، ۇلتتىق ەكونوميكا ءمينيسترى بولىپ تيمۋر سۇلەيمەنوۆ تاعايىندالعان. تيمۋر سۇلەيمەنوۆ بۇعان دەيىن ەۋرازيالىق ەكونوميكالىق كوميسسيانىڭ ەكونوميكا جانە قارجى ساياساتى جونىندەگى القا مۇشەسى ء(مينيسترى)​ قىزمەتىن اتقارىپ كەلگەن. ازات ەۋروپا / ازاتتىق راديوسى