قر قورعانىس ءمينيسترى يمانعالي تاسماعامبەتوۆ حورۆاتيا قورعانىس ۆەدومستۆوسىنىڭ باسشىسىمەن كەزدەستى
استانادا قر قورعانىس ءمينيسترى يمانعالي تاسماعامبەتوۆ پەن حورۆاتيا رەسپۋبليكاسى قورعانىس ۆەدومستۆوسىنىڭ باسشىسى انتە كوترومانوۆيچتىڭ كەزدەسۋى ءوتتى-دەپ حابارلايدى قر قم باسپا ءسوز قىزمەتى. قازاقستان مەن حورۆاتيا اراسىندا سوڭعى جىلدارى ساياسي ديالوگتىڭ دەڭگەيى اناعۇرلىم ارتتى. ەكى ەل وكىلدەرى اراسىنداعى ءارتۇرلى دەڭگەيلەردەگى كەزدەسۋلەر، وزەكتى وڭىرلىك جانە حالىقارالىق پروبلەمالار بويىنشا كەڭەستەر مەن پىكىر الماسۋلار وسىنى راستايدى. حورۆاتيا قازاقستانمەن وڭتۇستىك-شىعىس ەۋروپادا ماڭىزدى جانە پەرسپەكتيۆتى سەرىكتەس رەتىندە قارالادى. پەرسپەكتيۆتى جوبالاردى ىسكە اسىرۋ ءۇشىن شەت مەملەكەتتەرمەن اسكەري-تەحنيكالىق ىنتىماقتاستىق بويىنشا سەرىكتەستەردى ىزدەۋگە ەرەكشە كوڭىل بولىنەدى. قر قورعانىس ءمينيسترى يمانعالي تاسماعامبەتوۆ ايتىپ وتكەندەي، ءوندىرىس تەحنولوگياسىن الۋ قازاقستان ءۇشىن قورعانىس ونەركاسىبى سالاسىندا ىنتىماقتاستىقتى دامىتۋدىڭ ماڭىزدى شارتتارى بولىپ تابىلادى. سونىمەن قاتار، رەسمي دەلەگاتسيانىڭ جۇمىسى بارىسىندا حورۆات كومپانيالارىنىڭ تۇساۋكەسەرلەرى وتكىزىلدى. وندا ساراپشىلار
