تۇركيادا تۋىپ-وسكەن قازاق جىگىتتەر «قورقىت اتانى» الەمگە جەتپىس تىلدە تانىتپاقشى (فوتو)
وزگە ەلدە ءومىر ءسۇرىپ جاتقان قازاقتاردىڭ اراسىندا تالانتتى جاستار از ەمەس. ولار قازاق ەلىنەن الىس جۇرسە دە، ۇلتىنىڭ مايەكتى مادەنيەتىن، تاڭبالى تاريحىن جانە باسقا قۇندىلىقتارىن الەمگە تانىتۋعا قۇلشىنۋدا. سولاردىڭ قاتارىندا ىستامبۇل شاھارىندا تۇراتىن ەتنكالىق قازاق جىگىتتەرى – قايروللا مۇحاممەدۇلى مەن باتىر حامزاۇلى بار. ونەرلى ازاماتتارمەن قىسقاشا وربىتكەن اڭگىمەمىزدى نازارلارىڭىزعا ۇسىنباقپىز. ءسال بۇرىن، قايروللا مۇحاممەدۇلىنىڭ «نۇقتىڭ كەمەسى» اتتى شىعارماسى جايلى اڭداتپا اقپارات بەرگەنبىز. ەندى اۆتوردىڭ وزىنە بىرنەشە سۇراق قويۋدىڭ ءساتى ءتۇستى. – قايروللا، الدىمەن ءوزىڭىز جايلى ايتساڭىز. قايدا تۋىپ-ءوستىڭىز؟ – مەن 1982 جىلى ىستامبۇل قالاسىندا ومىرگە كەلدىم. التايدان اناتولىعا جەتكەن قازاقتاردىڭ ءبىر ۇرپاعىمىن. ءوزىم بالا كەزدەن سۋرەت سالۋعا قۇمار بولدىم. مەكتەپ بىتىرگەن سوڭ، ىستامبۇلداعى «ءمارمارا ۋنيۆەرسيتەتىنىڭ» ونەر فاكۋلتەتىنە وقۋعا ءتۇستىم. نەگىزى، ءۇيدىن
