مينيستر مۇعالىمدەردى قوعامدىق جۇمىستاردان بوساتۋعا ۋادە بەردى
قازاقستاننىڭ ءبىلىم جانە عىلىم ءمينيسترى ەرلان ساعاديەۆ مۇعالىمدەردى قوعامدىق جۇمىستاردان بوساتۋعا ۋادە بەردى، – دەپ حابارلايدى Tengrinews.kz تىلشىسى. “تاعى ءبىر ماڭىزدى مىندەت – مۇعالىمدەردى ءوز سالاسىنا جاتپايتىن جۇمىستارمەن اينالىسۋعا ماجبۇرلەۋدى توقتاتۋ. بۇل كولەمدى جۇمىس، الايدا ءبىز وسىعان كىرىسەمىز. بۇگىندە ءبىز مۇعالىمدەردىڭ ساراپتامالاردى، كارتالاردى، جول ءجۇرۋ بيلەتتەرىن جينايتىنىن، تەكسەرىس وتكىزەتىنىن بىلەمىز. ءبىرىنشى كەزەكتە تەكسەرىسپەن اينالىسۋدى، ستاتيستيكالىق مالىمەتتەردى جيناۋدى توقتاتامىز. مەحانيزمدى جاساپ الىپ، ۇكىمەتتەن بىرقاتار قاۋلى شىعارتامىز، بۇل ارقىلى باسقا ورگاندار مۇعالىمدەردىڭ ەڭبەگىن پايدالانا المايتىن بولادى”، – دەدى ەرلان ساعاديەۆ. ەسكە سالايىق، وسىعان دەيىن ءماجىلىس دەپۋتاتى قازاقستاندىق مۇعالىمدەردىڭ، تاربيەشىلەردىڭ جانە پەداگوگيكالىق مەكەمەلەردىڭ جۇمىسشىلارىنىڭ جالاقىسىن ءوسىرۋدى ۇسىنعان. بۇعان ساعاديەۆ پەداگوگتاردىڭ وقىتۋ جۇكتەمەسىن ازايتۋدى ۇسىنىپ، جاۋاپ بەرگەن. Tengrinews.kz
