قىرعىزستان قىتايمەن ارادا تەمىرجول سالا ما؟
ۋحان قالاسىنداعى تەحنيكالىق قىزمەت كورسەتۋ بازاسىندا تۇرعان جۇيرىك پويىزدار. حۋبەي پروۆينتسياسى، قىتاي، 25 جەلتوقسان 2012 جىل. (كورنەكى سۋرەت.) قىرعىزستان پرەزيدەنتىنىڭ پەكينگە ساپارىندا ورتالىق ازيا ارقىلى قىتاي مەن يراندى جالعايتىن جاڭا تەمىرجول جەلىسىن سالۋ جايى نازار اۋدارتتى. كوپتەن جاۋاپسىز جاتقان بۇل ماسەلەدە وسى جولى وزبەكستان دا ءجيى اتالا باستادى. قىرعىزستان پرەزيدەنتى المازبەك اتامباەۆتىڭ قاڭتاردىڭ 6-سى قىتايعا ساپارىندا قىتاي – قىرعىزستان – وزبەكستان – تۇركىمەنستان – يران تەمىرجول جەلىسىن كەڭىنەن تالقىلاماسا دا جوباعا دەگەن مۇددە تاعى ءبىر مارتە پىسىقتالدى. 2013 جىلى قىرعىزستان پرەزيدەنتى المازبەك اتامباەۆ بۇل جوبانىڭ ەلىنە ءتيىمدى ەمەسىن ايتىپ، ارتىنان قايتادان پوزيتسياسىن وزگەرتىپ، جوبانى قولداعان بولاتىن. مۇددە مەن مۇمكىندىكتىڭ قايشىلىعى جەلتوقسان ايىندا يران پرەزيدەنتى حاسان روۋحانيمەن كەزدەسۋدەن كەيىن قىرعىز باسشىسى
