ۇلت تاعدىرىن شەشكەن ۇلى شايقاستار
تامىرى ەكى مىڭجىلدىقتان دا تەرەڭ، الدەنەشە عاسىرلار بويى اسكەري ونەرى باباسىنان بالاسىنا بەرىلىپ كەلە جاتقان كونە حالىق قازاقتاي ەل كەمدە-كەم ۇلى حالىق وسىعان دەيىن بىرنەشە رەت بوداندىق تەپكىسىن كورسە-دە، ولاردىڭ بويىنان تابىلاتىن باتىرلىق، اسكەري ماشىق، سوعىس تاكتيكاسى مەن ستراتەگياسىنا دەگەن ۇقىپتىلىق ءالى قايران قالدىرىپ كەلەدى. قازاقتىڭ ۇلتتىق تاريحىندا ەل تاعدىرىن شەشكەن ۇلى شايقاستاردى شامامىز كەلگەنشە تىزبەلەپ كورەيىك. بۇلانتى-بىلەۋتى شايقاسى «اقتابان شۇبىرىندى القاكول سۇلاما» قاسىرەتىنەن كەيىن قازاقتىڭ ەڭسەسىن كوتەرىپ، بەدەلىن كوتەرگەن ۇلى سوعىس – وسى بۇلانتى-بىلەۋتى شايقاسى. شايقاس 1727 جىلى بۇلانتى مەن بىلەۋتى وزەندەرىنىڭ ورتاسىنداعى تاقتايداي تەگىس كەڭ جازىقتا ءوتتى، سوعىسقا ەكى جاقتان 100 مىڭداي سارباز قاتىستى. كەڭ ءارى تەرەڭ ويلاستىرىلعان اسكەري تاكتيكا مەن ستراتەگيانى شەبەر جۇزەگە اسىرا بىلگەن قازاق قولى
