قازاقستاندا تۇرىپ جاتقان 130 مىڭ ازەربايجان دياسپوراسى وكىلدەرى مەملەكەتتەرىمىز اراسىنداعى ماڭىزدى دانەكەر بولىپ سانالادى، – دەدى قازاقستان پرەزيدەنتى.
قازاقستان پرەزيدەنتى ازەربايجان رەسپۋبليكاسىنا رەسمي ساپارىنىڭ قورىتىندىسى بويىنشا باق وكىلدەرى ءۇشىن بريفينگ وتكىزدى-دەپ قابارلايدى اقوردا ءباسپاسوز قىزمەتى. ازەربايجان رەسپۋبليكاسى، باكۋ قالاسى مەملەكەت باسشىسى كەزدەسۋ بارىسىندا قاراۋعا ۇسىنىلعان بارلىق ماسەلەلەردىڭ تالقىلانعانىن اتاپ ءوتتى. – ءبىزدىڭ قارىم-قاتىناسىمىزدىڭ نەگىزگى وزەگىن ساۋدا-ساتتىق قۇرايدى. ول باسقا دا باعىتتار بويىنشا ءوزارا ءىس-قيمىلدى دامىتۋ مۇمكىندىگىن قامتاماسىز ەتىپ وتىر. بۇگىنگى كەزدەسۋ ساۋدا اينالىمىن ۇلعايتۋ قاجەتتىگىن ايقىنداپ بەردى. ويتكەنى، 140 ميلليون اقش دوللارى كولەمىندەگى قازىرگى كورسەتكىش ءبىزدىڭ مۇددەمىزگە ساي كەلمەيدى، – دەدى نۇرسۇلتان نازارباەۆ. قازاقستان پرەزيدەنتى ەكىجاقتى ساۋدا-ەكونوميكالىق بايلانىستار سالاسىندا پايدالانىلماعان زور الەۋەت بار ەكەنىنە نازار اۋداردى. – ەلدەرىمىز مۇنى ەكىجاقتى ساۋدانى ودان ءارى ۇلعايتۋ ءۇشىن پايدالانۋعا ءتيىس. قازاقستان ازەربايجانعا مەتاللۋرگيا ءونىمىن، ەكسپورتقا شىعارىلىپ جاتقان لوكوموتيۆتەردى جەتكىزۋگە ءازىر. ازەربايجاننان
