وزبەكستان كورشى ەلدەرمەن شەكارا كەلىسسوزدەرىن قايتا قاراماق
] وزبەكستان كورشى ءتورت ەلمەن مەملەكەتتىك شەكارالاردى دەليميتاتسيالاۋ جانە دەماركاتسيالاۋ جونىندە كەلىسسوزدەردى قايتا قاراماق. بۇل ەل پرەزيدەنتىنىڭ 2017−2021 جىلدارعا ارنالعان مەملەكەتتىڭ دامۋ ستراتەگياسىنا بايلانىستى جۇزەگە اسپاق، دەپ جازادى centralasian.org. جەرگىلىكتى باق-تىڭ حابارلاۋىنشا، مينيسترلىكتەر مەن ءتيىستى مەكەمەلەرگە ءبىرىنشى توقساندا مەملەكەتتىك شەكارالاردى رەتتەۋدىڭ جوسپارىن قۇرۋ جۇكتەلگەن. وندا قىرعىزستانمەن شەكاراداعى كەلىسىلمەگەن ايماقتى رەتتەۋدى تەزدەتۋ تاپسىرىلعان. سىرداريا، ناۆوي، جىزاق وبلىستارىنداعى جەر تەلىمدەرى بويىنشا قازاقستانمەن دەماركاتسيالاۋ كەلىسسوزى جۇرگىزىلمەك. سونىمەن بىرگە وڭتۇستىك قازاقستان، قىزىلوردا، اقتوبەك جانە ماڭعىستاۋ وبلىستارىمەن شەكارالاس قاراقالپاقستان اۆتونومدى رەسپۋبليكا بويىنشا كەلىسسوزدەر وتپەكشى. تاجىكستان جانە تۇركىمەنستانمەن شەكاراداعى كەلىسىلمەگەن ايماقتاردى دا رەتتەۋ ماسەلەسى قاراستىرىلعان. اقپارات كوزى: centralasian.org
