استانا ستامبۋلداعى شابۋىلدى ايىپتادى
قارۋلى شابۋىل جاسالعان Reina كلۋبى ماڭىندا تۇرعان تۇركيالىق پوليتسيا قىزمەتكەرلەرى. ستامبۋل، 1 قاڭتار 2017 جىل. قازاقستان سىرتقى ىستەر مينيسترلىگى بۇگىن تۇركيانىڭ ستامبۋل قالاسىندا كوپ ادامنىڭ ءومىرىن قيعان شابۋىلدى ايىپتاپ مالىمدەمە تاراتتى. «2017 جىلدىڭ 1 قاڭتارىندا ستامبۋل قالاسىندا ونداعان ادامنىڭ قازاسىنا سەبەپ بولعان تەرروريستتىك اكتىنى قاتاڭ تۇردە ايىپتايمىز. وسى قاتىگەز قىلمىس ارقىلى تەرروريزمنىڭ كەزەكتى ارەكەتىنىڭ كۋاسى بولىپ وتىرمىز، ونىڭ ۇيىمداستىرۋشىلارى مەن دەمەۋشىلەرى مىندەتتى تۇردە انىقتالىپ، ءتيىستى جازاعا تارتىلاتىندارىنا سەنىمدىمىز» دەلىنگەن مالىمدەمەدە. ءسىم ستامبۋلداعى شابۋىل سالدارىنان قازا تاپقانداردىڭ وتباسىلارىنا قايعىسىنا ورتاقتاسىپ كوڭىل ايتقان. جاراقات العاندارعا تەزىرەك جازىلۋعا تىلەكتەس ەكەنىن بىلدىرگەن. مينيسترلىكتىڭ ارنايى وكىلى ءانۋار جايناقوۆ قازاقستاندىق ديپلوماتتار ستامبۋلداعى شابۋىل سالدارىنان قازا تاپقاندار مەن جارالانعاندار اراسىندا قازاقستاندىقتاردىڭ بار-جوعىن انىقتاپ جاتقانىن، ازىرشە ونداي اقپارات
