Apple جانە Samsung ەلەكتروندى سيم-كارتا تۋرالى كەلىسۋدە
Apple مەن Samsung كومپانيالارى تەلەكوممۋنيكاتسيا سالاسىنا ۇلكەن وزگەرىس جاساماق. ولار ەلەكتروندى SIM-كارتانى (e-SIM) قولدانىسقا ءبىر ۋاقىتتا ەنگىزۋ تۋرالى كەلىسسوزدەردى اياقتاپ قالدى دەپ حابارلايدى The Financial Times. ەگەر بارلىعى ويداعىداي شىقسا، وندا ۇيالى وپەراتور ابونەنتتەرىنىڭ ءومىرى ءبىراز جەڭىلدەيدى. ەلەكتروندى سيم-كارتانى جاساۋعا قاتىسىپ جاتقان GSMA كونسورتسيۋمىنىڭ مۇشەلەرى ۇيالى بايلانىس سالاسىنداعى تىڭ جاڭالىق تۋرالى جاقىن ارادا ءدۇيىم جۇرتتى حاباردار ەتەدى. ادەتتەگى SIM-كارتا ابونەتتەردى تەك ءبىر وپەراتورعا عانا “بايلانىپ”، تەك سونىڭ قىزمەتىن پايدالانۋعا ماجبۇرلەيدى. ال ەگەر ەلەكتروندى سيم-كارتالار قولدانىسقا ەنگىزىلسە، پايدالانۋشى ۇيالى بايلانىس وپەراتورىن ءوز بەتىنشە قالاعان ۋاقىتتا اۋىستىرا الاتىن بولادى دەپ جازادى newsru.com. دەرەككوز: 24.kz
