اتاقتى دجەكي چان ديماشتى كەزدەسۋگە شاقىرىپ وعان كۇرتەشەسىن سىيلادى
الەمگە ايگىلى اكتەر دجەكي چان ديماش قۇدايبەرگەنوۆتىڭ داۋسىنا ءتانتى بولىپ، ونى ارنايى كەزدەسۋگە شاقىردى. كەزدەسۋ بارىسىندا دجەكي چان قازاق انشىسىنە كۇرتەشەسى مەن فيرمالىق ءان تىڭداۋ قۇرىلعىسىن سىيعا تارتقان. ال ديماش وعان قازاقتىڭ شاپانىن جاۋىپ، قاسيەتتى دومبىراسىن تارتۋ ەتكەن. بۇل تۋرالى ديماشتىڭ ءوزى جەلىدەگى پاراقشاسىندا جازدى. «بۇگىن مەنىڭ ومىرىمدە تاريxي ەستە قالاتىن ەرەكشە كۇن! اتاقتى اكتەر دجەكي چان مىرزا مەنى تەلەديداردان كورىپ، كەزدەسۋگە شاقىردى! كەزدەسۋدە اكتەر ماعان ءوزىنىڭ ەكسكليۋزيۆتى كۇرتەشەسىن جانە ارنايى فيرمالىق ءان تىڭداۋ قۇرىلعىسىن سىيعا تارتتى! ال مەن اكتەرگە قازاقتىڭ شاپانىن جاۋىپ، دومبىرانى سىيعا تارتتىم! دومبىرامەن ءبىر كۇي شەرتىپ بەرۋىمدى وتىنگەن دجەكي چانعا نۇرعيسانىڭ “القيسساسىنان” شاشۋ شاشتىم! ءوز كەزەگىندە اكتەر ماعان سوڭعى “Kung Fu Yoga” كينوكارتيناسىنداعى بي قيمىلدارىن ۇيرەتتى.
