Ә.Қара: Келесі жылы Зуқа батырдың 150 жылдығы тойлану керек
2016 жылы Зуқа батыр Сәбитұлының дүниеге келгеніне 150 жыл толады. Шетелдегі қандастарымыз «Қазақтың Робин Гуды» атап кеткен ұлт қайраткері 1866 жылы Шығыс Қазақстан облысы Зайсан ауданына қарасты Қалба тауының етегіндегі Кендірлік деген жерде дүниеге келіп, Қытайда өмір кешкен. Батырдың 150 жылдығына орай Түркиядағы қазақ ғалымы, тарихшы Әбдіуақап Қара жақында Facebook жеке парақшасында былай деп өз үндеуін жариялады: «Бай-манаптан алып кедейге берген, панасызға қорған болған, жетім-жесірді қорғаған қазақтың Робин Гуды 1886 жылы Шығыс Қазақстанның Қалба деген жерінде туған Зуқа батырға 2016 жылы 150 жыл толмақ. Батырларын, қаһармандарын бағалай алмаған халық мәңгілік ел бола алмайды. Сондықтан 2016 жылы батырымызды атаусыз қалдырмайық. Келесі жылы ол туралы кітаптар шығарайық, еларалық симпозиумдар мен конференциялар
