Автоүйімен сапарға шыққан қазақстандық депутат елі үшін ұялып кетті
Парламент Мәжілісінің депутаты Мейрам Бегентаев. © Facebook Парламент Мәжілісінің депутаты Мейрам Бегентаев қысқаша үзілістен кейін Қазақстанның шексіз даласын жылжымалы үйімен аралауды жалғастырды. Ол өзінің сапары жөнінде Facebook желісіндегі парақшасына жазады, сол жерде өз толғанысымен бөліседі. Мысалы, депутатты жолдардың сапасы, кэмпингке жасалған жағдайлардың нашарлығы мен әдемі жерлердегі толып жатқан қоқыс толғандырады, – деп хабарлайды Tengrinews.kz тілшісі. “Автосаяхатты жалғастырдық. Кеше Қарағандыға жол тарттық, содан кейін Балқашқа. Балалар жолда бірден ұйықтап қалды. Таңертең ерте сағат 06.00-де шықсақ та, тас жолда көлік көп. Жолдың қарсы бағытына шығатын жергілікті көліктер жетерлік. Жол бойы жүк көліктерге толы жерлерге жиі кездестім, тас жол жап-жаңа. Мұның екі себебі болуы мүмкін: жол жабындысы сапасыз немесе көлік инспекциясы байқамай 25 тоннаға артық тиелген
