Ц.Элбэгдоржға ҚР -ның Президентінің шақыруын табыстады
KAZNEWS – ҚР Премьер-Министрінің бірінші орынбасары Бақытжан Сағынтаев Моңғолияда келіссөздер жүргізді. Улаанбаатарға жұмыс сапары барысында Бақытжан Сағынтаев Моңғолия Президенті Ц.Элбэгдоржмен кездесіп, Қазақстан Президенті Нұрсұлтан Назарбаевтың қазақ еліне жұмыс сапармен келу туралы шақыруын табыстады. Келіссөздер барысында тараптар екі жақты сауда-экономикалық ынтымақтастық жағдайын, экономиканың басымдықты салаларындағы бірлескен инвестициялық жобаларды жүзеге асыру мәселелерін талқылады. Жұмыс сапары аясында Бақытжан Сағынтаев сондай-ақ Моңғолия Премьер-министрі Ч.Сайханбилэгпен келіссөздер жүргізді.
