Kezdesude Q.Qojamjarov Elbasını agenttiktiñ qazirgi qızmeti turalı habardar etip, «100 naqtı qadam» wlt josparın iske asıru ayasında atqarılıp jatqan jwmıstar jöninde bayandadı.

Nwrswltan Nazarbaev ortalıq memlekettik jäne jergilikti atqaruşı organdardağı bos twrğan orındardı qısqartu, sonday-aq eñbekaqı töleu qorınıñ qarajatın qayta bölu arqılı engizilip jatqan memlekettik qızmetşilerdi ıntalandırudıñ bonustıq jüyesiniñ mañızdılığın atap ötti.

Q.Qojamjarov «B» korpusındağı memlekettik qızmetşilerdi attestaciyalau barısı turalı habarlap, attestaciyadan ötuşiler jaqsı nätije körsetip jatqanın ayttı. Agenttik törağasınıñ aqparatı boyınşa, büginge deyin Joğarı attestaciyalıq komissiyanıñ 14 otırısı bolıp, respublikalıq deñgeyde 700-den astam qızmetker äñgimelesuden ötken.

Sonday-aq, agenttik törağası «A» basqaruşı korpusın reformalauğa qatıstı wsınıstar jöninde bayandadı. Onda qızmetkerlerdiñ osı sanatına jatatın lauazımdar qatarın qısqartu közdelgen.

Qazaqstan Prezidenti sıbaylas jemqorlıqpen küresu, wdayı onıñ aldın alu jwmısın sapalı jürgizu qajettigine de nazar audardı.

– Qılmıstıq qudalau tek zañ ayasında ğana jüzege asırıluğa tiis. Azamattardı salmaqtı negizdersiz jäne bwltartpaytın däleldersiz twtqındauğa bolmaydı, – dedi Nwrswltan Nazarbaev.

Memleket basşısı kezdesu qorıtındısı boyınşa birqatar naqtı tapsırma berdi.