Alayda, G.Äbdiqalıqova memqızmetker etikası naqtı qalay bwzılğanın sol küyi aytqan joq. YAğni, öziniñ wltjandığımen, sauattılığımen közge tüsip ülgergen Altay Äbibullaevtıñ naqtı ne üşin jwmıstan ketkeni halıqqa belgisiz. Jwmıs ornına mas bop keldi me, esirtki qoldandı ma, qwmar oyın oynadı ma, bälkim Astanadan kelgen joğarı lauazımdı äyelderdiñ köñilin taba almağan bolar? Bwl jağın Aqordanıñ birde-bir ökili aşıp aytpay otır.

Resmi ökilder aşıq mälimdemese de, sol Sırtqı ister ministrliginiñ mañayında jürgen “wzınqwlaqtar” mäseleniñ män-jayın “sıbırlap” ülgerdi. Estuimizşe, Äbibullaevtıñ jauapkerşilikke tartıluına orısşa söylemeui sebep bolğan. Tarqatıp aytsaq, Pol'şadağı käsipkerlermen kezdesken Qazaqstan elşisi bayandamasın qazaq jäne polyak tilderinde jasağan eken. Alayda, bwğan şamdanğan orıstildi orta bayandamanı orısşa jasauın talap etken. Al, Altay Ibragimwlı bwl talaptı orındaudan bas tartıptı. Sodan onıñ artına “şam alıp tüsip”, aqırı jwmıstan ketuine qol jetkizgen körinedi.

Ärine, bwl tek sıbıs qana. Mäseleniñ naqtı män-jayın Qazaqstannıñ bilik ökilderi resmi aytıp beredi degen ümittemiz.

Tanımal sayasattanuşı Rasul Jwmalı da Äbibullaevtıñ memqızmetkerdiñ etiketin bwzatınday sauatsız emes ekenine kümandanbaydı.

“Altay Äbibollaev sauattı da memleketşil, qolınan is keletin elşilerdiñ biri. Ne üşin mansaptan ayırdı? Sebebi nege aytılmaydı? Sonısına qarağanda arandatu äreketi siyaqtı. Kezinde diplomat bolğanda meniñ de artımnan talay arız jazılğan bolatın “agaşkalarğa” bas imegenim üşin. Soğan wqsaydı. Qalay bolğanda ökinişti jağday käsibi mamandardıñ qudalanıp, pätuäsiz ığay-sığaydıñ saltanat qwrıp otırğanı. Kerisinşe bolu kerek”, – dep jazdı sayasattanuşı öziniñ Facebook-paraqşasında.