Siriyadağı Reseydiñ Hmeymim äue bazasında 31 jeltoqsan küni minometten atqılaudan kem degende jeti äskeri wşaq zaqımdanıp, isten şıqqan. On şaqtı äskeri qızmetker jaralanğan. Bwl turalı äskeri jäne diplomatiyalıq ortadağı derekközderine silteme jasağan reseylik «Kommersant'» gazeti habarladı. Jaralanğandardıñ siriyalıq, ya reseylik äskeriler ekeni aytılmaydı. Resey qorğanıs ministrligi äzirge bwl aqparatqa kommentariy bermedi.

Basılım aqparatına qarağanda, atqılaudan tört Su-24 bombalauşı wşağı, eki Su-35S istrebiteli men bir An-72 äskeri jük wşağı isten şıqqan. Bazanı radikaldıq islamşıldar atqıladı degen boljam bar. Hmeymim bazası Siriya ükimet äskeriniñ tılında ornalasqan.

Reseylik BAQ pen resmi twlğalar bwğan deyin bazanıñ 31 jeltoqsan emes, 27 jeltoqsan küni atqılanğanın habarlağan. Ol kezde adam men äskeri tehnikanıñ zardap şekkeni aytılmağan edi.

Bwğan deyin Resey qorğanıs ministrligi Siriyada 31 jeltoqsanda äskeri tikwşaq apatqa wşırap, eki wşqışı qaza tapqanın moyındağan bolatın. Resmi aqparatqa qarağanda, tikwşaq tehnikalıq aqaudan apatqa wşırağan.

11 jeltoqsanda Hmeymim äue bazasına Resey prezidenti Vladimir Putin barıp, ol jerde Siriyadan Resey äskeriniñ negizgi böligi şığarılatının jariyalağan.

Jeltoqsannıñ soñında Resey qorğanıs ministri Sergey Şoygu elden Resey äskerileriniñ negizgi böligi şığarılatının jäne Hmeymim men Tartustağı äskeri bazalarda twraqtı äsker qwrılatının habarlağan. Reseydiñ Siriyada qanşa äskeri küşi barı jäne qanşa şığınğa wşırağanı turalı resmi mälimet äzirge joq. BAQ-tıñ mälimetinşe, 2017 jıldıñ özinde ğana Siriyada kem degende 40 reseylik äskeri qızmetker qaza tapqan.                                                                                                                                                            Azat Europa / Azattıq radiosı