Çehiyada ötken hokkeyden älem çempionatınıñ finalında Kanada wlttıq qwraması Resey qwramasınan 6:1 esebimen üstem tüsti. 17 mamırda (Astana uaqıtımen 18 mamırğa qarağan tüni) Pragada ötken matç kezinde kanadalıqtar ayqın basımdılıq tanıttı.

Birinşi periodtıñ 19-minutında Tayler Ennistiñ soqqan şaybasına Kodi Ikin kon'kiin tosa qoyıp esep aştı. Ekinşi periodta kanadalıqtardıñ ekpini küşeye tüsti de, reseylikter tek arakidik qarımta şabuıl jasauğa köşti. Ennis 22-minutta esepti eselep, 28-minutta Sidni Krosbi üşinşi, bir minut ötpey jatıp Tayler Segin törtinşi goldı soqtı. Üşinşi periodta da oyın ırğağı özgergen joq, kanadalıqtar Klod Jiru (49-minut) men Netan Makkinnon (51-minut) esepti 6:0-ge jetkizdi. 52-minutta Sergey Mozyakin kök jolaqtıñ twsınan alıstan közdep, qaqpa aldındağı Evgeniy Malkin şayba bağıtın säl özgertip, Reseydiñ alğaşqı golın soqtı da, esepti qısqarttı.

Kanada jeti jıldan keyin älem çempionatınıñ finalına şığıp otır. Bwl eldiñ qwraması soñğı ret 2007 jılğı älem birinşiliginiñ finalında oynap, Finlyandiyanı 4:2 esebimen jeñgen edi.

Resey biıl ekinşi jıl qatarınan älem çempionatınıñ finalına şıqtı. 2014 jılğı Minsktegi älem birinşiliginiñ finalında reseylikter Finlyandiyanı 5:2 esebimen jeñgen bolatın.

azattyq.org