Astanada siriyalıq oppoziciya kelissözderi bastaluda
kerey.kz
2015 jılı 25 mamırda Astanada siriyalıq oppoziciya ökilderiniñ kelissözderi bastalıp, 27 mamırğa deyin jalğasatın boladı-dep habarlaydı QR SİM baspa söz qızmeti
Bügin bükil älem Tayau Şığısta bolıp jatqan oqiğalardı alañdauşılıqpen baqılauda. Siriyadağı jağday älemdegi eñ auır dağdarıstıñ birine aynalıp, öñirlik mäselelerdiñ şeginen şıqtı. Bwl eldegi jağdaydı retteu üşin küşterdi şoğırlandıru qajettiligi ayqın.
Qazaqstan BWW qamqorlığımen Siriyanıñ işinde jäne sırtında qoldanılatın dialog pen ımıralasu joldarı arqılı eldegi zorlıq pen qantögisti jedel toqtatu maqsatında, auır gumanitarlıq apattı eñseru jäne Siriya sayasi bolaşağın ayqındauğa bağıttalğan äreketterin qoldaydı.
Osığan deyin Siriyanıñ oppoziciyalıq küşter tobı Qazaqstanğa Siriyadağı dağdarıstı retteu mäselesi boyınşa kelissözderde deldaldıq etu turalı ötinişin bildirgeni belgili.
Osı eldegi asa auır gumanitarlıq jağdayğa alañdauşılıq bildirip, işki siriyalıq şielenistiñ tek beybit jolmen jäne siriyalıqtar özderi ğana şeşui qajet degen bağdarın berik wstanıp, Qazaqstan Siriya oppoziciyalıq küşter ökilderiniñ dialogı üşin alañ wsınu şeşimin qabıldadı jäne kelissözderdiñ sätti ötui üşin qajetti jağday jasadı.
Sonımen birge, Qazaqstan siriyalıqtar arasındağı kelissözder Siriyadağı şielenisti retteu jönindegi Jeneva üderisi şeñberinde odan äri jalğasatınına jäne nätijeli ayaqtalatınına ümittenip, aldağı Astanadağı konsul'taciyalar Jenevadağı kelissözderdiñ sätti ötuine qosımşa demeu beredi dep niettenude.
Kelissözder jabıq esikter formatında ötetin boladı. Olardıñ nätijesi boyınşa qatısuşılardıñ baspasöz-konferenciyası ötedi dep kütilude. Naqtı ornı men uaqıtı turalı aqparat qosımşa habarlanatın boladı.
Pikir qaldıru