Abai.kz aqparattıq portalınıñ elektrondı jäşigine « Azmattardıñ qaqın qorğauşı, «Antigeptil'» qozğalısınıñ belsendisi – Bolatbek Bilälov qamauğa alındı» degen habar kelip tüsti.

Bolatbek Bilälov öz üyiniñ aulasında twtqındalıp, Astana qalası İşki ister basqarmasınıñ ğimaratına jabılğan. Äzirge qozğalıs belsendisine qanday ayıp tağılğanı belgisiz. Belsendimen eşkim tildese de alğan joq. Alayda, atalğan qozğalıs müşeleri Bilälovtıñ qamauğa alınuın Bäyterek monumentiniñ qasında ötui tiis qarsılıq akciyasımen baylanıstıradı. «Antigeptil'şiler» bügin kiikterdiñ qırğınına baylanıstı ekologiyalıq akciya ötkizudi josparlağan bolatın. Soñğı derekterge qarağanda, apatqa wşırağan kiikterdiñ sanı 120 mıñnan asqan. Tayauda atalğan qozğalıs müşeleri Memleket basşısınıñ atına aşıq hat jariyalap, Bayqoñırda wşırılıp, kezekti ret qazaq jerine qwlağan «Proton» zımırantasığışı: «Dalamızğa u seuip jatır. Kiikter qırğınana birden bir sebepker sol» degen bolatın.

«Kiikter qırğınına geptildiñ qatısı bar dep bilemiz. Osı jıldıñ 16-mamırı küni Bayqoñırdan wşqan Reseydiñ «Proton» zımıranı jerden köterilgen soñ 500 sekunttan keyin apatqa wşıradı.

Al, QR Auıl şaruaşılıq ministrliginiñ resmi aqparatı boyınşa, 17-mamır küni, yağni zımıran qwlağannıñ ertesi,  Betpaqdaladağı “Irğız-Torğay” tabiği rezervatında alğaşqı 4 kiiktiñ öligi tabılğan» deydi qozğalıs müşeleri.

Sonımen birge, qozğalıs müşeleri Qarağandı oblısınıñ twrğındarınıñ mälimdeui boyınşa, kiikterdiñ jappay qırıluına  Qarağandı oblısı Balqaş köliniñ batısı men Betpaqdala aumağın qamtıp jatqan Sarışağan äskeri-jattığu poligonında jasalğan sınaqtıñ sebebi boluı ıqtimal ekenin mälimdegen edi.

“Bolatbek Bilälovtıñ qamauğa alınuı kiikterdiñ qırıluına alañdağan «Antigeptil'diñ» akciyasına jol bermeu bolıp tabıladı”, – deydi qozğalıs belsendileri.

Abai.kz